Serchhip District Miss-ah R. Vanlalawmpuii
Miss Mizoram 2024 thlanna neih tura Serchhip District aiawh turin R.Vanlalawmpuii, New Serchhip Khawtetlang chu thlan a ni.
Serchhip District Bawrhsap, Kumar Abhishek chuan Serchhip District chhunga NH. 54 kawngpui zauh tura mimal ram lak chungchangah zangnadawmna la tawh te tan huntiam, ni 60 a ral tawh avangin zangnadawmna la tawh te chu anmahni hmunhma chhuahsan vek turin a hriattir.
Hemi chungchanga thuchhuah a siamah Serchhip District Bawrhsap chuan NH-54 (Aizawl - Tuipang) laih zauhna tura Land Acquisition chu kalpui mek niin zangnadawmna pawisa pawh sem chhuah tawh a ni tih a tarlang a. Ram neitute hnenah hriattirna Section 3E of the National Highways Act, 1956 hmangin tihchhuah tawh a nih thu pawh tarlangin, heng hriattirna a inziah ang hian ni sawmruk (60) chhungin In hmun leh ram lak tawh sa chu chhuahsan tura hriattir an ni tawh tih a tarlang a.Hei bakah hian NHIDCL chuan kawng laih hna hi an tan tawh bawk nia tarlangin, heng hriattirna in a sawi anga ni sawmruk (60) hi a ral tawh avangin ram neitu zawng zawngte chu mahni In leh ram chhuahsan tura hriattir an ni tih a tarlang a. Kawng laih avanga hnathawhna in In leh ram bakah thlai a tichhia a nih pawhin engmah sawi buai theih a ni lovang tih a tarlang bawk.
Comments
Post a Comment