MNYF hruaitu ten Thinghlun khua an tlawh

MNF Thalai, Mizo National Youth Front (MNYF) President leh Assembly Deputy Speaker, Er. Lalrinawma chuan nimin Thinghlun khuaa Assam hovin Mizo huan leh Thlam an suasamna hmun an tlawh bakah tanpuina a hlan nghal bawk.

Nimin a Thinghlun tlawhtu Er. Lal-rinawma hi 4th IR Bn. Commandant, Lallianmawia IPS leh Mamit SP ten lo dawngsawngin, “Kan Home Minister-in a sawi tawh angin, kan ram chhan turin a theih chin chinah sawrkarin hma a la zel dawn a. Kan sawrkar ah hian State khat mai ni lo, kum 20 zet India ram huaisen taka lo dotu Chief Minister, Dy. Chief Minister leh Home Minister te kan nei a, State khat mai mai hmaa tawlh tur kan ni lova, a thlamuanthlak hle a ni,” tiin tunhnaia thil thlenga mipuiin sawrkar a tawiawmna ah lawmthu a sawi a, lungrual taka ke pen tlang turin a sawm bawk.

Nimin a Thinghlun tlawhtu Er. Lalrinawma hi Dr. ZR. Thiamsanga MLA; C. Lalmuanpuia, MLA leh Er. Lalzirliana MLA ten an tawiawm a, MLA te hian 4th IR Battalion te, Langkaih Group YMA leh MZP te hnenah Rs. 10,000/- theuh an hlan a, Thlam an tihchhiatsak John Zolawma hnenah Rs. 5000 hlanin, MNF Thalai pawhin tangkaifai an hlan bakah Police te ei tur buhfai leh chawhmeh tur an pe bawk a ni.