Kai thar awmlo, pakhat dam

Zonuna Kawlni /

Darkar 24 kalta chhungin Serchhip District-ah COVID-19 hri kai hmuhchhuah thar awm lovin hri kai pakhat chu enkawl dam a ni thung.

Thudawn danin darkar 24 kalta chhung khan Serchhip TrueNat Laboratory-ah Sample 2 enfiah niin Rapid Antigen Test hmangin Sample 17 enfiah a ni bawk a, heng te atang hian hri kai hmuh thar an awm lo a ni.

Hetihlai hian nimin khan Chhiahtlang Tourist Lodge CCC-a hri kai enkawl pakhat chu enkawl dam a nih hnuah chhuahtir a ni a, he hri kai enkawl dam hi Sept. 26-a hri kai tih hmuhchhuah niin Manipur atanga rawn haw a ni. Heti hian Serchhip District-a hri kai hmuh-chhuah mi 63 atangin mi 48 te chu enkawl dam an ni tawh a, mi 15 te chu enkawl mek an la ni a, Serchhip District-a hri kai hmuhchhuah bikah zaa 76.19 te chu enkawl dam an ni tawh a ni.

District pawn atanga hri kai enkawl tur rawn dah te nen tun dinhmunah Serchhip District-ah COVID-19 hri kai enkawllai mi 28 la awm mekin an zinga 24 chu BSF sipai, Nursing School CCC-a dah te niin Chhiahtlang CCC-ah mi 3 leh Thenzawl CCC-ah mi pakhat enkawl mek an ni bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »