Mizoram MP ten Union Finance Minister an hmu

Zonuna Kawlni /

New Delhi-a cham mek Rajya Sabha MP, K. Vanlalvena leh Lok Sabha MP, C. Lalrosanga te chuan nimin khan Union Finance Minister, Nirmala Sitharaman-i chu a Office-ah hmuin Chief Minister, Zoramthanga'n HUDCO Loan ba, cheng vbc. 39.29 ngaihdam dilna a lo thawn tawh leh Phone hmanga alo sawipui tawh chungchang an bawhzui.

MNF leh India inremna avanga lo haw te zinga mi engemawzat leh mirethei harsa te In sakna atana kum 1992 a loan lak tawh, a pung rulh ngai chu nuai bo sak turin Chief Minister hian a ngen a. Union Finance Minister chuan a rang thei ang bera chinfel a tum thu Mizoram MP te hi a lo hrilh nghal a ni.

Mizoram MP te chuan NLCPR pawh tun aia State dangte nena insemrual dan ngaihtuah sak turin Union Finance Minister hi an ngen nghal bawk a. Union Minister chuan uluk zawka sem rual dan a lo ngaihtuah tur thu a sawi bawk a. Tun kum kal laia MPLAD Fund Second Installment release loh chuan hna mipuite harsatna a siam nasat thu leh release thuai a tul thute an thlen bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »