MPSC Online Portal hawng

/

Sawrkar hna diltu ten In lum atanga dilna an thehluh theihna tura MPSC Online Portal siam, mpsconline.mizoram.gov.in chu nimin khan hawn a ni.

MPSC Online Portal thar hawnna hun hi MPSC Chairman Office-ah neih niin he hunah hian MPSC Chairman, Lalramthanga Tochhawng chuan he Portal thar hi hawngin Mizoram State e-Governance Society-a System Analyst, Er. C. Lalrinfela chuan he Online Portal hman dan chungchangah report a pe a ni. MPSC Online Portal-ah hian hna diltu ten mahni Hming, Pa hming, Address, Qualification, Contact number leh tul dangte chhu lutin an passport size Thlalak leh signature te upload in account an siam thei a. An Mobile number chu Username ah hman tir nghal an ni. Account siam laia details hi a hnuah tih danglam theih a ni. Account atangin hnaruak dil theih te, Fee pekna tur leh chawi tur zat te hmuh theih a ni a. Exam hun, Exam Center leh Roll Number lanna Admit Card pawh Office in an peihfel hnuah download mai theih a ni dawn a ni. Portal-ah hian a hman dan tur kaihhruaina ‘Help Yourself’ dah a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »