Hri kai 18 hmuh belh leh

Niminpiah-a Mizoram-a Sample enfiah te atangin COVID-19 hri kai mi 18 hmuhchhuah an ni a, an zinga tam ber te hi Aizawl District a hri kai hmuhchhuah niin Aizawl District atang hian hri kai mi 11 hmuhchhuah an ni a, Serchhip District-ah mi 4 leh Lunglei District-ah hri kai mi 2 hmuh niin Lawngtlai District-ah hri kai mi pakhat hmuh a ni bawk.

Niminpiah-a hri kai an hmuhchhuah zingah hian Lunglei North bialtu MLA, Dr. Vanlaltanpuia, Mizoram Youth Commission Chairman ni bawk chu a tel a, ani hi tun-hnaiha ramri buaina-a kal niin hri a kai chhan erawh hriat a ni lo thung. Nimin thleng khan Mi-zoram-a hri kai hmuhchhuah chu 2359 an tling ta a, mi 2184 te enkawl dam ni tawhin hri kai enkawllai 175 an la awm mek a ni.

India-ah hri kai dam pung zel :

Darkar 24 kalta chhungin India ramah COVID-19 hri kai 54,366 hmuhchhuah leh niin mi 73,979 te chu enkawl dam an ni thung. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 14,42,722 enfiah niin heng atang hian COVID-19 hri kai 54,366 hmuh leh an ni a, heng te nen hian India rama Sample enfiah chu 10,01,13,085 tling tawhin hri kai hmuhchhuah zawng zawng chu 77,61,312 an ni a, India ramah Sample enfiah atangin hri kai hmuhchhuah chu zaa 7.75 a ni.

Darkar 24 kalta chhung khan India ram ah hri kai 73,979 enkawl dam leh niin tun thlenga hri kai enkawl dam chu 69,48,497 an tling tawh bawk a, hei hi India rama hri kai hmuhchhuah atanga chhutin zaa 89.53 niin tunah hian hri kai enkawllai 6,95,509 an la awm a, hri kai hmuh-chhuah atangin zaa 8.96 a ni bawk. India ramah hian darkar 24 kalta chhung khan mi 690 te chuan nunna an chan ve leh a, tun thlengin hri kai zinga nunna chan 1,17,306 an tling tawh a, hei hi hri kai hmuhchhuah atangin zaa 1.51 an ni bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn