Chanchin thar thenkhat :

MLA in chawimawina hlan

Aizawl North-III bialtu MLA leh Veterinary, Fishery and Sericulture Board Vice Chairman, C. Lalmuanpuia chuan nimin khan a Office-ah Union Public Service Commission (UPSC) buatsaih National Defence Academy & Naval Academy (NDA&NA) Examination tling thar, Dayne Thiamsangliana chu lawmpuina thuziak leh pawisafai Rs. 50,000/- a hlan a. UPSC buatsaih NDA&NA Exam hi Sipai Officer ni thei tura kawlkawng pawimawh niin, Class 12 leh a tlukpui zo ten an exam thei a. NDA&NA Exam-a tlingte hian National Defence Academy-ah Sipar Officer ni thei turin kum thum chhung zirna an chhunzawm anga, chumi hnuah an zawm tur ber- Army, Navy emaw Air Force huang chhungah kum khat an zir chhunzawm leh dawn a ni. Kum 4 an zir zawhah hna sang zawk an thawk chhunzawm anga, an inzir chhungin sawrkar in stipend Rs. 21,000/- a pe ang.

OSC building thar hawng

Sawrkar laipui Ministry of Child Development leh Mizoram sawrkar Social Welfare Department kaltlanga sak hmeichhe baihvaite tlukluh lailawkna hmun tur ‘One Stop Centre (OSC)’ Building thar chu nimin khan Champhai Vengsang ah Health & Family Welfare Board Vice Chairman, Dr. ZR. Thiamsanga chuan a hawng a, he Building thar-ah hian an hnena tlulut te thlenna tur Room 3 awmin khum 5 a awm a. Eirawngbawlna hmun, Counselling Room, Video Conferencing Room, Staff Room leh inthiarna tha tak a kentel bakah CCTV Camera vuah a ni bawk. Cham-phai-ah hian nikum August 7 khan One Stop Centre hming hian hna thawh tan a ni a, nimin thleng khan mi 23 in panin an lo enkawl tawh a ni.

CM Relief Fund dinhmun

Mizoram-a COVID-19 hri leng dona tura mi tlawmngai ten Chief Minister's Relief Fund-a sum an thawh chu nimin thleng khan cheng vbc. 21.48 a tling tawh a, Rs. 19,50,26,013/- chu hman ni tawhin hmanbang vbc. 1.98 ala awm bawk.

Zofate Haw runpui neih tum

Zoram Thar Zofate Lairelna chuan nimin khan Aizawl-ah thuthar thehdarhtute kawmin khawvel pum huap ‘Zofate Haw Runpui leh Hnam Inkhawmpui Thianghlim’chu nakum March ni 26-28 inkar ah Zofate Pathian Biak Inpui hmun, Thenzawl Kanan Veng-ah neih turin a rel tih an sawi a, he hunah hian khawvel puma Zova thlah, Zofate chu thlah khat, hnam khat leh unau vek kan ni tih puanna, nemnghehna leh hriattirna tura lungphun, Hnam lungphun a ni dawn tih an sawi bawk.

ZPM Party hrin nilo tih sawi

Zoram Peoples Movement (ZPM) Tangrual Pawl-a hruaitu ni thin te chuan nimin khan Ai-zawl Press Club-ah thuthar thehdarhtute kawmin Mizoram-a Independent MLA 7 te chu MLA a thlang tlingtu, mahni Pawl/Party thiat lova pawl hrang hrang 6 thawhhona a thlantlin an ni tih sawiin, ZPM Party chu MLA inthlanna neih hnua ding a ni tih an sawi a. Heng MLA 7 te hi 2018 MLA inthlan zawh hnua piang ve chauh ZPM Party hrin te an ni lo tih an sawi bawk.

Aizawl-ah OPD khar lailawk

Aizawl Civil Hospital Medicine OPD-a nimin a inentir 8th Assam Rifles mi leh sa pakhat chu COVID-19 hri a kai tih hmuhchhuah a nih avangin nimin khan OPD hi khar nghal a ni a, he Sipai hi Seling atanga Aizawl Civil Hospital pan hi nia thudawn niin OPD hi damdawi hmanga tih thianghlim a nih hnuah Vawiin lam hian hawn leh nghal theih an beisei tih damdawi in thuneitute chuan an sawi bawk.