FOCUS hnuaia thawktute tan GIS zirhona neih a ni

Directorate of Science & Technology hnuaia Mizoram Remote Sensing Application Centre (MIRSAC) Aizawl buatsaihin nimin khan Serchhip District-a FOCUS hnuaia thawk te tan Geographic Information System (GIS) chungchang zirhona neih a ni.

Serchhip DAO Office Farmers Training Hall-a GIS chungchang zirhona hun hi Serchhip DAO, C. Lalnithanga chuan kai-hruaiin Fostering Climate Resilient Upland Farming Systems In The Northeast (FOCUS) Project chu kum 4 chhung ( 2019-2020) kalpui tur a ruahman phawt a nih thu te, an hmalakna leh hna-thawh dan hrang hrangte chu sawrkar laipui atanga Internet hmanga vil (Geo-tagging) deuh vek anih tawh thu te a sawi bakah, Serchhip District chu Mizoram District pariat (8) zingah PMKSY leh RKVY Scheme-ah hmala tha ber District anih thu a sawi bawk.

Serchhip District-a FOCUS hnuaia thawktute tana Global Information System (GIS) chungchang zirhona hunah hian FOCUS hnuaia thawktute ten an hnathawhna a hman tur Mobile Handset sem niin MIRSAC atanga lokal mithiam ten FOCUS hnuaia hmalakna ah tunlai thiamna hmanga nasa hman a nih theih dan tur leh chumi atana Mobile Phone Application hmanga GIS Data lakkhawm dan leh Mobile handset hmanga hnathawh dan leh tul dangte a tak (Practical) in an zirho bawk.

Nimin-a Training-ah hian Serchhip DAO Office-a Officer te leh Technical Officer te bakah FOCUS hnuaia Village Level Worker (VLW) bakah thawktu dang te an tel a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn