Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Tuikum lui-ah chesual

Serchhip IOC Veng-a cheng kum 14 mi, Lalngaihdami chu nimin khan Serchhip leh Vanchengte inkar-a Tuikum lui-ah chesualin tui-ah a tla a, zawn mek a ni.

Thudawn danin Lalngaih-dami (14) d/o Chanchinmawia, Serchhip IOC Veng hi nimin khan a thiante nen Serchhip leh Vanchengte inkar, Tuikum lui-ah hian kalin Vanchengte kai Li-ah hian tui an cheng a, heta tui an chen lai hian chesual palhin tui-ah hian a tla zui a, a thiante hian chhan tum mah se chhan thei lovin tui-ah hian a tla zui ta a ni. Tui tla an awm thu hi a thiante hian Phone hmanga rawn sawiin, chawhnu dar 2:00 velah hriat a ni a, he thu buat-saih lai thleng hian tui tla hi hmu lovin zawn chhun-zawm mek a ni.

Comments

Chhiar Hlawhte