Bike atanga tla boral

Aizawl atanga Khawlailung pan-a kal Bike pakhat-a chuang naupang kum 8 mi, Aizawl Dawr-pui Veng-a khawsa chu Serchhip leh Thenzawl inkar-ah Bike atanga a tlak avangin a boral.

Thudawn danin vanduaina tawk he naupang hi Jacob Biakthansanga (8) niin Lalenkawla Chenkual fapa, Aizawl Dawrpui Veng-a cheng an ni a, Khawlailung khaw khawchhuak niin Khaw-lailung atanga Aizawl-a an pem hnuah a pa, Lalenkawla Chenkual hian Khawlailung-ah hian hna la thawkin nimin zing khan Aizawl atang hian an pafa in Bike hmangin Khawlailung hi an pan a, Thenzawl leh Serchhip inkar-a an tlan lai, zing dar 10:00 vel khan kawngkawi-ah motor dang nen intawk thutin heta Bike ding thut-ah a hnunga chuang Jacob Biakthansanga hi tlain a lu a sawh nia thudawn a ni.

Helai hmuna Motor rawn tlan ve hmangin Jacob Biakthansanga hi Serchhip damdawi In panpui nghal a ni a, amaherawh chu damdawi In thlenpui a nih hian chhan theih a ni tawhlo a ni. Nimin vek khan Jacob Biakthansanga ruang hi Aizawl-a an chenna In-ah lak nghal a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn