Latest News

Mizoram-ah hri kai hmuhchhuah belh zel an ni

Inrinni khan Mizoram-ah Sample 3866 enfiah niin hri kai 345 hmuh a ni a, Inrinni-a hri kai hmuhchhuah thar tarlan zingah hian a hma lama Lawngtlai District chhung Karlui-I a hri kai lo hmuhchhuah tawh mi 147 zet chu ziahluh thar an nih avangin hri kai hmuhchhuah hi a tam phah niin a lang.

District Level Road Protection Squad thukhawm

Nimin khan Serchhip-ah District Level Road Protection Squad chu Bawrhsap hova thukhawmin kawngpui venhim leh humhalh kawnga hmalak dan tur hrang hrang an sawiho.

Serchhip DC Meeting Hall-a District Level Road Protection Squad thutkhawm hi an Chairman, Serchhip District Bawrhsap Kumar Abhishek chuan kaihruaiin Bawrhsap chuan District Level Road Protection Squad din thar a nih hnuah tun tum hi hmalakna tur ngaihtuaha thutkhawm an neih hmasak ber a nih thu sawiin, member te chu thahnem ngai taka theihtawp chhuah tura a sawm bakah kan District chhunga kawngpui te venhim leh humhalh a nih theih nan theihtawpa hma an lak dawn thu a sawi bawk a ni.

Nimin-a thutkhawm ah hian hmalakna tur hrang hrang sawiho niin Serchhip Town chhunga Motor Workshop nei ten kawngpui tichep zawng leh kawng dal-a Motor chhia an dah thin te chu senghawi a nih theih nan hmalak nise an ti a, PWD leh kawngpui enkawltu ten kawngpui-a lirthei tlanchak theih chin leh tlan thei chin chhinchhiahna mumal zawkin siam se an tih bakah District Level Road Protection Squad te hian District chhunga kawngpui hrang hrangte thla thar atanga enfiahin, dan bawhchhia an awm leh awmloh enin dan bawhchhia te pawh a tul angin sum leh pai chawitir nghal nise an ti bawk a ni.

District Level Road Protection Squad-ah hian Bawrhsap chu Chairman niin SDO (Sadar) chu Member Secretary a ni a, Member-ah mi 9 ruatchhuah niin Police, Revenue Department, LAD, UD&PA, PWD, PHE, Transport Department leh YMA bakah VC aiawhte an tel a ni.

Comments

Chhiar Hlawhte

Serchhip District-ah COVID-19 Vaccine pe leh dawn