Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Ramri chhan nana thawktu puihna sum YMA in an hlan

Tunhnaia Mizoram leh Assam ramri-a buaina thlenga Mizoram chhan nana thawktute puihna tura sum hmuh Rs. 88,141/- chu nimin khan ramri-a Duty te hnenah hlan a ni.

Serchhip Sub-Hqrs. YMA chuan tunhnaia Mizoram leh Assam ramri-a buaina thlenga Mizoram chhan nana thawktute leh thisen chhuak hial-a hliam tuar te tanpuina atan hian Serchhip Town chhunga YMA Branch 21-ah te tunkar Thawhtanni atang khan ni 3 chhung Bawm hungin mipuite tan sum thawhna hun a ruahman a, hemi chhunga sum tlingkhawm te hi nimin khan a dawngtu turte hnenah hlan niin Vairengte Joint YMA hnenah Rs. 50,000/- hlanin Mamit Sub-Hqrs. YMA kaltlangin Thinghlun Branch YMA tan Rs. 28,141/- hlan a ni a, hei bakah hian ram chhan nana hliam tuar leh damdawi In-a enkawl ngai tan Rs. 10,000/- hlanin heng sum te hi Bank account kaltlanga hlan an ni.

Serchhip Sub-Hqrs. YMA hruaitute chuan sum thawhtute zawng zawng chungah lawmthu sawiin, Serchhip-ah COVID-19 hri a rawn hluar tak thut avanga beisei anga sum lut erawh a tam ta lo chu pawi an tih thu an sawi bawk.

Comments

Popular News (Last 30 Days)