Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Hri kai pakhat hmu leh

Inrinni-a Serchhip District atanga Sample enfiah atangin COVID-19 hri kai mi pakhat hmuh leh a ni.

Inrinni khan Serchhip District-a TrueNat Laboratory-ah Sample 48 enfiah niin heng atang hian hri kai pakhat hi hmuh a ni a, he hri kai an hmuh thar hi mipa kum 27 mi, West Bengal atanga rawn lut niin Prem Kram Infracon Pvt. Ltd. a thawk a ni a, Oct. 3-a Serchhip District-a rawn lut leh inkhunghranna hmuna dah niin taksa-a hri kai lanchhuahna neilo a ni. Heti hian nimin thlenga Serchhip District-a COVID-19 hri kai hmuh chu 64 an tling ta a, an zinga mi 58 chu enkawl dam niin mi 6 enkawl mek an la ni bawk.

Hetihlai hian Serchhip District-a hri kai enkawl mi 13 te chu enkawl dam an nih hnuah anmahni enkawlna hmun atanga chhuahtir an ni a, heng hri kai enkawl dam te hi Sept. 29-a Ai-zawl District atanga hri kai hmuhchhuah, Ser-chhip Nursing School CCC-a enkawl tura rawn dah te niin tun dinhmuna Serchhip District-a BSF Sipai hri kai enkawl pakhat chiah an awm tawh a ni.

Comments

Chhiar Hlawhte