Tui tla la zawng zui zel

Ningani kalta a Tuikum lui-a chesual, Lalngaih-dami, Serchhip IOC Veng chu mi tlawmngai ten la zawng zui zelin nimin tlai thlengin chanchin lawmawm hriat tur erawh ala awm lo.

Ningani kalta tlai-a Tuikum lui, Vanchengte kai-a chesual-a tui-a tla zui ta, Lalngaihdami hi Ningani zan atanga zawn nghal niin nizan hmasa-a Serchhip Sub-Hqrs. YMA thukhawm chuan hmuh a nih loh zel chuan tunkar Ningani thlenga zawn dan tur ruahmanna an siam a, nimin atang khan Tui tla zawng te innghahna tur hmun 6- Vanchengte kai, Hmawng Li, Rivunga Kai, Darnam Chhuah, Hriang-tlang kai leh Sabual (Dawngzawl) te siamin heng Duty hmun-ah hian YMA Branch pahnih zel a inchhawka duty tura ruahmanna siam a ni a, nimin thleng khan thuthar lawmawm lam hriat tur ala awm lo a ni.