Lok Sabha MP in Oil india Ltd. hotute a kawm

/

Mizoram Lok Sabha MP, C. Lalrosanga chuan niminpiah khan Oil India Limited hotute kawmin Mizoram-a Oil dap chungchang a sawipui.

Lok Sabha MP hian Delhi bul Noida-a Oil India Limited Chairman-cum-Managing Director, Sushil Chandra Mishra leh hotu dangte hmuin Mizorama Oil leh Gas dapna hna chhunzawm zel turin a ngen a. Oil zawnna khur 4 an verh tawhah an duh ang hmu rihlo mah se hmundang ah te pawh zawng chhunzawm zel turin a ngen a ni. Mizoram-a ruahtui tam thin leh tlangram hmun chhengchhiat avangte in harsatna tawk thin mah se Oil zawn hna chhunzawm zel a tul thu sawiin Lok Sabha MP chuan, Oil dapna hna chhunzawm zelna tura hun leh phalna an mamawh belh turte pawh Central sawrkar leh Mizoram sawrkar hotute lama lo nawrpui a tum thu a hrilh bawk a ni.

Oil India hotute chuan Mizoram chhim lamah pawh Oil zawn hna an thawh chhunzawm an tum thu Lok Sabha MP hi an hrilh a. Mizoram-a District 4 huamchhung Sq Km 3213-ah Oil zawn hna hi an lo thawk tawh a ni tih sawiin, Oil India Director (Exploration) P. Chandrasekharan a chuan Keifang, Aibawk, Thenzawl leh Phulmawi a hma an lo lak tawh bakah Pangzawl ramah kawng awmdan azirin Oil dapna khur verh chhunzawm an tum a ni tih a lo hrilh bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »