Hri kai pakhat dam leh; 76.74% enkawl dam tawh

/

Serchhip-a COVID-19 hri kai enkawl mi pakhat chu enkawl dam a nih hnuah nimin khan chhuahtir niin Serchhip District-a hri kai hmuhchhuah zingah mi 66 te chu enkawl dam an ni ta.

Tunhnaiah Serchhip-a COVID-19 hri kai hmuhchhuah an awm nual hnuah nimin khan hri kai pakhat chu enkawl dam niin Chhiahtlang Tourist Lodge CCC atangin chhuahtir a ni a, he hri kai enkaw dam tak hi tun thla ni 16-a hri kai hmuhchhuah niin amah hi Assam Rifles Camp chhunga awm, Serchhip damdawi In-a inentir tuma kal leh a inentir hmaa a Sample enfiaha COVID-19 hri kai tih hmuhchhuah kha a ni a, ni 10 chhung vel enkawl a nih hnuah nimin khan enkawl damin chhuahtir a ni leh ta a ni.

Niminpiah khan Serchhip District-a TrueNat Laboratory-ah Sample enfiah awm lovin Rapid Antigen Test hmangin Sample 61 enfiah a ni thung a, heng atang hian hri kai hmuhchhuah thar awm lovin nimin thleng khan Serchhip District-a COVID-19 hri kai hmuhchhuah chu mi 86 an ni tawh a, heng zinga mi 66 te chu enkawl dam niin tunah hian hri kai enkawllai mi 20 an la awm mek a, Serchhip District-a hri kai hmuh-chhuah atang hian zaa 76.74 te chu enkawl dam an ni tawh a ni.

Tun dinhmunah Serchhip District-ah hri leng avanga mahni In lama inkhunghrang mi 56 an la awm mek a, sawrkar hmunhmaa inkhung-hrang mi 62 an la awm mek bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »