Chanchin thar thenkhat :

 Aieng herna tih changtlun tum

Lungsen Aieng Grower Society Ltd. ten hun rei tak an lo buaipui tawh Aieng herna khawl chu Lunglei High Power Committe Vice Chairman, Lawmawma Tochhawng chuan tlawhin a tul anga tih changtlun zel a tum thu a sawi a. He Aieng herna khawl hi kum 2014 khan BADP Scheme atanga chah thlen a ni a, engemaw harsatna avanga bun theih mai a nih loh hnuin Lungsen Aieng Grower Society Ltd. hmalaknain bun a ni ta a, hei hian Lungsen leh a chhehvela kuthna-thawktu, a bikin Aieng chingtute tan hmasawnna a thlen an beisei bakah Aieng hmanga eizawng an pun an beisei thu Lungsen Aieng Grower Society Ltd. hruaitute chuan an sawi a, hetiang Aieng herna khawl lian hi Mizoram-ah Reiek leh Lungsen-ah chiah a la awm thu an sawi bawk.


Boruak ralmuang leh tawh

Tunhnaia Vairengte dai, Mizoram leh Assam ramri-a boruak sosang deuh awm chuan ziaawm lam panin tunah chuan nunphung pawh a pang-ngai leh ta a, Zirtawpni zan atang khan State pawnlam atang pawhin nitin mamawh phurtu Motor lian te pawh a rawn lut leh tawh a, Mizoram atangin Motor te pawh an chhukthla ve leh tawh bawk a ni. Hetihlai hian Vairengte Joint VC, MZP leh tlawmngai pawl dangte tangrual chuan Vairengte khaw dai Auto Rickshaw inbanlette dinna hmun thlang, kawngpui chhak ah IR duty-na tur an sa a, hei hi IR Police te chuan ramri venna atan luahin harsatna an tawk zui rihlo nia thudawn a ni.


Miss Mizoram Foundation din

Hmeichhiate leh naupang harsatna tawk te tanpuina kawnga hmala turin ‘Miss Mizoram Foundation’ chu din thar a ni a, I&PR Minister, Lalruatkima chuan Zirtawpni zan khan HYVE Conference Hall, Aizawl-ah a hawng a ni. Miss Mizoram Foundation-ah hian an President chu Miss Mizoram lo ni tawh Rody H. Vanlalhriatpuii niin Secretary-ah Zirsangpuii bakah hruaitu dang engemawzat awmin Patron ah Dy. Chief Minister, Tawnluia te an ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn