Child-Friendly Covid Care Centre siam dawn

/

Nimin khan Health Minsiter, Dr. R. Lalthangliana hovin naupang leh nausen COVID-19 hri kai te enkawlna tur a bika siam dan tur sawiho a ni.

SAD Conference Hall-a he thutkhawm neih ah hian Sawrkar Laipuiin naupangte a ngaih pawimawh leh a ngaihsak thu tarlan a ni a. Mizoram-a COVID-19 hri kai hmuhchhuah tawh zingah naupang kum 18 hnuailam 295 an awm tawh thu leh an zingah hian kum 2 hnuailam 4, kum 2 - 5 inkar 9 leh kum 14 hnuailam 22 an tel thu tarlan a ni bawk.

He thutkhawm a tel te hian COVID-19 hri kai zinga naupang leh nausen te enkawlna tur bik, Child-Friendly COVID Care Centre din tha an ti a, naupang leh nausen hri kai te khawhar leh hrehawm taka an awmloh nan an in awmhlimna turte ngaihtuah a tul thu sawi niin, naupang leh nausen hri kai an lo awm palhin an chenpui nu leh pa bakah unaute thlengin ngaihven a tul thu sawi a ni a. A tul anga counselling pek dan turte pawh ruahman tha an ti bawk. Health Department leh Social Welfare Department Official te chu a rang thei ang bera Child-Friendly COVID Care Centre kalpui dan tur duang tur hian ruat an ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »