Assam mite chetna hmun MZP in an tlawh

MZP General Hqrs. hruaitute chuan Thinghlun khawdaia Assam Police leh Forest Department ten Mizoram mi te Thlam an hal sakna chu a hmunah tlawhin Thinghlun khawtlang hruaitute nen inkawmna an nei nghal.

Thinghlun khawtlang hruaitute leh NGO hrang hrang aiawhte nen inkawmna an neih ah hian MZP President, B. Vanlaltana chuan Mizoram chhung, Thinghlun khawdaia thilthleng chu MZP chuan pawi an tih thu sawiin, englai mahin Thinghlun khua chu an ensan dawnlo tih a sawi a. “He thil thleng hian sawrkar leh mipuite min beng harh se, ramri chinfel kawngah pawh sawrkar hian nasa lehzualin hma la rawh se tih hi MZP duh dan a ni,” a ti.

He huna tel te hian John Zolawma Thlam, Assam Police leh Assam Forest Department-in an hal chhiat sak chu sak that leh ngei ni rawh se tiin Resolution siamin an pass a, Assam-in kan ram diklo taka min chuhpui chu an dem takzet tih pawh sawiin, tun hnuah a thleng nawn leh anih chuan chhanlet ve ni rawh se, an ti a. Thinghlun khuaa IR Temporary post chu dahngheh a niha changtlung zawka thuamchak a nih theih nan hmalak an rel bawk. MZP hian Thinghlun a duty IR te hnenah an mamawha an hman atan pawisafai an hlan bawk a ni.

Hetihlai hian Langkai Group YMA hmalakna in nimin khan Thinghlun-a IR Duty te riahbuk tur sak hnatlang hi neih a ni bawk.

Comments

Chhiar Hlawhte