MPCC in sawrkar mawhpuh

Mizoram Pradesh Congress Committee (MPCC) chuan Sawrkarin hmingthat a tum lutuk avangin COVID-19 a darh tha leh niin an sawi.

Nimin-a thuchhuah an siamah MPCC chuan tunhnaiah COVID-19 vei hmuhchhuah nasa takin a pung chho leh ta nia sawiin, tunhnai ni 3 chhung lekin hri kai mi 88 hmuhchhuah an ni tih an sawi a. Khawvel in COVID-19 sample test-na atana rintlak bera a ngaih chu RT-PCR niin za-ah za dik vek biklo mah se, rintlak bera ngaih niin Mizoram sawrkarin a hman lar tak Rapid Antigen Test erawh a rintlak tawk loh zia mithiamten an sawi nasa hle thung tih an sawi a.

Mizoram sawrkar chuan COVID-19 chungchanga hmingthat a duh avangin COVID-19 vei, enkawl mekte endik nan nasa taka sawisel hlawh Rapid Antigen Test a ring lui nia sawiin, hmingthat duh luat vangin positive tam tak, dam chiang lovin an chhuah nia a lan thu an sawi bawk.