Latest News

Tui tla la zawng zui zel

Ningani kalta a Tuikum lui-a chesual, Lalngaihdami, Serchhip IOC Veng chu khawtlang in zawn mek la niin nimin khan khual atangin Tui chhung lut turte pawh an rawn thlen belh leh. Ningani kalta chawhnu lama Tuikum lui, Vanchengte kai-a tui-a chesuala tla ta, Lalngaihdami hi khawtlang huapin nimin, a ni 5-na thleng khan zawn leh ala ni a, he thu buatsaih lai thleng hian chanchin lawmawm erawh hriat tur ala awmlo thung. Ser-chhip Sub-Hqrs. YMA ten tui tla zawng te tana awmna tur hmun a siam hrang hrangah nimin thleng khan YMA Branch pahnih zel inkawpin zan riakin mi tlawmngaite an la awm chhunzawm zel a ni.

    Hetianga khawtlang huap-a tui tla zawn a nih mek lai hian nimin khan Tuipui ‘D’ atangin tui lut thiam leh anmahni tawiawmtu mi 14 te chuan Serchhip rawn thlengin nimin chawhnu lam khan Lalngaihdami chetsualna hmun hi pan nghalin Tuikum lui-a Li hrang hrang te dap hna an thawk nghal dawn a. Nimin vek khan Nghal-chawm atangin tuilut thiam mi 14 vel bawk tui tla zawng tur hian an rawn thawkchhuak bawk a, nimin tlai hian Serchhip rawn thlengin Vawiin ah Tuikum an pan ve leh ang.

Comments

Popular News (Last 30 Days)