Latest News

Mizoram-ah COVID-19 kai enkawl dam an pung zel

Nimin tlai dar 5:00 thleng khan Mizoram-ah COVID-19 hri kai hmuhchhuah chu 2,120 tling tawhin an zinga 1,837 te chu enkawl dam an ni tawh.

Sawrkar thuchhuah in a tarlan danin Pathianni khan ZMC RT-PCR Laboratory leh District hrang hranga TrueNAT Laboratory-ah te Sample enfiah awm lovin Rapid Antigen Test hmangin Sample 424 zet enfiah a ni thung a, heng Sample enfiah atang hian hri kai hmuhchhuah thar an awmlo a ni. Niminpiah-a Sample enfiah zinga a tam ber chu Kolasib District-ah niin mi 379 enfiah an ni a, Aizawl District-ah mi 30 enfiah niin Serchhip District-ah mi 8 leh Lawngtlai District-ah mi 7 enfiah an ni bawk.

Hetihlai hian nimin khan Mizoram hmun hrang hranga hri kai te enkawlna hmun atangin hri kai enkawl dam mi 30 chhuahtir an ni thung a, an zinga a tam ber mi 17 te chu Tribal Art Centre CCC, Tanhril atanga chhuahtir an ni a. Serchhip District atangin mi 9 chhuahtir niin State Referral Hospital-ZMC atangin mi 3 chhuahtir an nih bakah Mamit atangin mi pakhat chhuahtir an ni bawk.

Heti hian nimin thleng khan Mizoram-a sample 83,092 enfiah ni tawhin heng te hi Mizoram pawn-ah mi 58, Rapid Antigen Test hmangin mi 24,278; TrueNat Laboratory-ah Sample 4,422 leh ZMC Laboratory-ah Sample 54,335 te niin heng atang hian COVID-19 hri kai 2,120 hmuh an ni tawh a, an zinga mi 1,837 te chu enkawl dam ni tawhin hei hi hri kai hmuhchhuah atanga chhutin za zela 86.65 niin tunah hian hri kai enkawllai 283 an la awm mek a ni. Mizoram-a hri kai hmuhchhuah mi 2 te chu State pawn lama enkawl tura lak an ni tawh bawk.

India-ah COVID-19 hri kai nuai 66 tling tawh :

India rama COVID-19 hri kai hmuhchhuah chu mi nuai 66 an tling tawh a, mi nuai 55 chuang enkawl dam an ni tawh bawk. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 9,89,860 enfiah leh niin heng atang hian COVID-19 hri kai 74,442 hmuh leh an ni a, heng te nen hian India rama Sample enfiah zawng zawng chu 7,99,82,394 niin hri kai hmuh tawh chu 66,23,815 an ni a, Sample enfiah atanga zaa 8.28 te chuan hri hi an kai a ni.

Darkar 24 kalta chhung khan India ramah COVID-19 hri kai mi 76,737 te chu enkawl dam niin tun thlenga enkawl dam chu 55,86,703 an tling tawh a, hei hi hri kai hmuhchhuah atangin 84.34 niin hri kai zingah enkawllai 9,34,427 an la awm mek a. Hri kai zingah nunna chan 1,02,685 awm tawhin darkar 24 kalta chhung khan nunna chan mi 903 an awm leh a ni.

Comments

Popular News (Last 30 Days)