Hri kai 6 enkawl dam leh

Serchhip-a COVID-19 hri kai enkawl dam mi 6 te chu nimin khan anmahni enkawlna hmun atanga chhuahtir an ni.

Nimin-a hri kai enkawl dam tak te hi tun thla ni 19-a Serchhip-a COVID-19 hri kai hmuhchhuah mi pahnih ten an lo kawm hnaih te chhuina kal zela hri kai hmuhchhuah te niin an zinga mi 5 te hi tun thla ni 20-a hri kai enkawlna hmuna dahluh te niin midang pakhat hi tun thla ni 21-a dahluh a ni thung a, an vai hian Chanmari Veng vek niin hri laka an fihlim hnuah nimin khan anmahni enkawlna hmun atang hian chhuahtir an ni ta a ni.

Hetihlai hian P&E Veng-a hri kai hmuh-chhuah in a lo kawmhnaih te chhuina atanga hri kai hmuh te pawh nimin khan an Sample hi enfiah niin an zingah hri laka la fihlim lo an awm nia hriat a nih avangin chhuahtir theih an la ni lo thung a. Tunhnaia Serchhip-a tualchhunga hri inkaidarhna atanga hri kai mi 17 zingah mi 8 te chu enkawl dam an ni ta a, midang 9 enkawl mek an la ni.

Niminpiah khan Serchhip District-a TrueNat Laboratory-ah Sample 11 enfiah niin Rapid Antigen Test hmangin Sample 9 enfiah a ni bawk a, heng atang hian hri kai hmuhchhuah thar awm lovin nimin thlenga Serchhip District-a COVID-19 hri kai hmuhchhuah chu mi 87 an ni ta a, an zinga mi 74 te chu enkawl dam ni tawhin tunah hian hri kai enkawllai 13 an la awm mek a, Serchhip District-a hri kai hmuhchhuah atang hian za zel 85.05 te chu enkawl dam an ni tawh a ni. Tun dinhmun ah hri leng avanga mahni In lama inkhunghrang mi 48 la awmin sawrkar hmunhmaa inkhunghrang mi 45 an la awm mek bawk a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn