Latest News

Serchhip-a neih SSU General Assembly vawi 36-na EF&CC Minister leh bialtu MLA in an hmanpui

Image
Students' Self-Support Union (SSU) General Assembly vawi 36-na Serchhip Auditorium a neih chu nimin khan EF&CC Minister TJ. Lalnuntluanga chuan khuallian niin a hmanpui a, Serchhip Bialtu MLA Lalduhoma chuan khualzahawm nia hmanpui bawkin nizan khan he Assembly hi a tiak a ni.

Dan lova Kuhva rah lakluh Serchhip Police ten an man

Serchhip Police te chuan tunkar Nilaini zan khan Dan lova Mizoram-a rawn phurhluh Kuhva rah tam tham tak manin Customs Department kutah an hlan nghal.

Serchhip Police te chuan an thudawn bawhzuiin heng dan lova Mizoram-a rawn phurhluh Kuhva rah te hi man a nih thu sawiin, Pik-up Truck 19 hmanga rawn phurh a nih thu leh Champhai atanga rawn phurh a nih thu an sawi a. Heng Motor 19-ah hian a vaiin Kuhva rah bag 281 leh a chanve rawn phurh niin tualchhunga hralhna rate anga chhut chuan Rs. 26,13,000/-man vel a nih thu an sawi a, heng Kuhva rah te hi Champhai atangin Lungpho lamah rawn phurh niin hetah hian Police te hian an lo man ta nia thudawn a ni.

Dan lova Mizoram-a phurhluh Kuhva rah te hi Champhai lam mi ta nia hriat niin Bairabi leh Vairengte lama thawn tur nia hriat a ni a, heng Kuhva rah leh a rawn phurtu bakah a neitu hi Serchhip Police te chuan Customs Department kutah an hlan nghal a ni a, nimin khan Ai-zawl lam panpui nghal a ni.

Comments

Popular News (Last 30 Days)