Dan zawm turin hriattir

Serchhip District Bawrhsap chuan COVID-19 hri leng mekah sawrkar Dan siam te zawm vek tur a ni tih a sawi.

Hemi chungchanga thuchhuah a siamah Serchhip District Bawrhsap, Kumar Abhishek chuan Serchhip District-a COVID-19 hri kai pung zel tur venna atan leh mipuite kan lo him zawk nan mitthi vui, lungphun leh inneih (man hlan, inneih inkhawm leh reception), anniversary, pawl thil-a kalkhawm leh puipuinna reng rengah mi 50 aia tam punkhawm khap a ni tih tarlangin, puipunna ah te hian a kal te chhin-chhiahna register vawn ngei ngei tur a ni tih a tarlang a.

Hei bakah hian sawrkar thupek angin pawn chhuak tur reng reng te chuan hmai tuamna hmangin hmai tuam ngei ngei tur a nih thu leh hei hi zawmlo chu dan anga lei chawitir theih a ni tih a tarlang bawk a. Vantlang hmun, dawr leh puipunna ah Social Distancing zawm tur a ni tih pawh tarlangin, heng Sawrkar Dan siam te hi kan zawm thatloh hian midangte tan harsatna siamtu kan ni thei tih hriaa sawrkar Dan siam te zawm vek tur a nih thu a tarlang a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn