Latest News

MPC leh PRISM party inzawm tur chungchang sawi

MPC Party leh PRIMS Party President te chuan nimin khan Aizawl Press Club-ah thuthar thehdarhtute kawmin Oct. 6, 2020-a party pakhat-a inchhunfin an tum chungchang an sawi.

Thuthar thehdarhtute an kawmna ah hian MPC President, Lalhmangaiha Sailo chuan MPC Party leh PRISM Party te Political leh Economic Ideology, Policy leh Program-ah pawh unau Phir ang mai an ni tih sawiin, “Zoram tluchhe mek tundin a nih theihna atana Party pakhata inchhunfin mai tura ngenna tam tak awm tih hlawhtlin a ni thei tur hi ka lawm takzet,” a ti a, MPC Party Founder President, Brig. T. Sailo (L) Policy leh Program Six Basic needs hi kan Party Policy pui ber a ni dawn a, he kan policy ram tana tihhlawhtlin duh apiangte thawhhopui kan inhuam reng a ni,” a ti bawk.

He hunah hian PRISM President Vanlalruata pawhin PRISM te NGO an nihlaia an hma lo lak thinlai khan Brig. T. Sailo-a hmalo lak hnem hmanzia leh chhunzawm a chakawm zia an hria tih sawiin, thingtlang leh hmun kilkhawr zawk nia ngaihah pawh kal ila Pu Thena hma lo lak tawhna leh chhunzawm-a a awmloh avanga ram hmasawn lohna a tam zia te an lo sawi zel thu a sawi a,  “Party pakhata kan inchhunfin thei tur hi MPC Party chungah lawmthu kan sawi tak meuh meuh a ni,” a ti a. “Ram hmasawn kan nih theihna tura thawhpuiah ram siamthat duhtu zawng zawng kan sawm che u,” tiin chak zawka hma la turin mipuite tawiawmna a ngen nghal bawk.

Comments

Popular News (Last 30 Days)