Naupang tan pawisafai hlan

/

Serchhip District Child Welfare Committee te chuan Serchhip-a COVID-19 hri kai zinga naupang te tanpuina atan nimin khan pawisafai an hlan.

Serchhip District Child Welfare Committee te hian tunhnaia Serchhip District-a COVID-19 hri kai hmuhchhuah leh COVID Care Centre-a enkawl mek zinga naupang te mamawh leina turin nimin khan tanpuina pawisafai hi an pe a, tunhnaia Serchhip-a naupang COVID-19 hri kai hmuhchhuah mi 4 te hnenah Rs. 1500/- theuh pein a nu in hri a kai avanga CCC-a awm mek naupang pakhat tan Rs. 500/- an hlan bawk a ni.

Hei bakah hian District Child Protection Unit (DCPU) Serchhip chuan heng naupang te mamawh leina atan hian Rs. 1500/- hlanin Ser-chhip District Child Welfare Committee (CWC) Member, K. Laldinpuii chuan naupangte mamawh leina atan hian Rs. 500/- a pe bawk a, nimin a CWC kaltlanga hri kai naupangte tana sum pek zawng zawng hi a vaiin Rs. 8500/- niin heng sum te hi District Surveilance Officer (IDSP), Dr. Lalhlun-puii kutah an hlan a, Dr. Lalhlunpuii chuan hetianga Child Welfare Committee ten naupang zinga hri kai te an ngaihsak leh an mamawh leina tur sum leh pai thahnem tak an pe chu lawmawm a tih thu a sawi bawk.

Hemi hma niminpiah khan Serchhip ICDS Project-a thawktute chuan an naupang enkawllai hri kai te eitur chi hrang hrang chu an lo hlan tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »