COVID-19 No Tolerance Fortnight inrawnkhawmna nei

Karleh Thawhtanni, October ni 26 atanga chawlhkar hnih awh tur ‘COVID-19 No Tolerance Fortnight’ hman dan tur kalpui dan tura inrawnkhawmna chu niminpiah khan neih a ni.

He inrawnkhawmna SAD Conference Hall-a neih hi  Covid-19 Medical Operational Team Chairman, Dr. ZR. Thiamsanga MLA chuan hmanpuiin Medical Operational Team ngaih danah chuan khawtlang-ah COVID-19 hi a taidarh tawh a, Community Transmission a awm tawh tih a sawi a, hemi chhu chat thei tura hmalakna tha ber chu inkharkhip niin ngai mahse inkharkhip chu Sawrkar Laipuiin a phal tawh loh avangin khauh taka COVID-19 No Tolerance Fortnight kalpui a nih chuan engemaw chen hri taidarh tur hi a ven theih dawn nia an ngaih thu a sawi a ni.

Chief Secretary, Lalnunmawia Chuaungo kaihhruai he thutkhawm ah hian he Fortnight neih chhunga thil kalpui dan tur rawtna hrang hrang te chu zau taka sawikhawm a ni a. Hemi atana ruahmanna lo duansa, Action Plan pawh sawiho a ni a. Meeting-ah hian puipuinna/chhiatni/thatni ah te mipuiin SOP an zawm thalo chu a ngaihmawh awm thu te, sikul leh hostel luh hi tun dinhmunah a him loh thu te, zan curfew khauh zawk kalpui a tul thu te, dawr leh sumdawnna hmuna Social Distancing zawm a nih loh dan te chu sawilan a ni a. Fortnight hi Prime Minister in a puan COVID-19 Jan Andolan Campaign nen kalkawp tura duan tum a nih thu pawh tarlan a ni bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn