MYC hmalakna in ‘Hna Inpui’ (Job Portal) hawn a ni

Hna zawngtute leh hnathawktu tur zawngtu te tana Mizoram-a siam, Hna Inpui (Job Portal) chu Zirtawpni zan khan Labour Employment, Skill Development and Entrepreneurship Minister, Lalchhandama Ralte chuan Aizawlah a hawng.

‘Hna Inpui’ hi Mizoram Youth Commission (MYC) hmalaknaa siam niin, Mobile Phone hmangin Google playstore-ah download theih a ni a, thiamna chi hrang hrang nei, hna zawngtuten an thiamna milin an inziaklut thei a, hnathawktu mamawhtuten an mamawh mila hnathawk tur an zawnh thei bawk a, Job Portal kaltlang hian hnathawk tur leh a mamawhtute an inruai thei dawn a ni.

He Job Portal hawnna hunah hian LES-DE Minister, Lalchhandama Ralte chuan Mizoram a a vawikhatna leh a hmasa ber atana Hna Inpui (Job Portal) MYC kaltlanga siam a ni chu a lawm-awm a tih thu sawiin, hna neitu leh hna mamawhte intawhna hmunpui chuan hna zawn leh inrawih danah thil a thlak danglam a beisei thu a sawi a, leh-khathiam leh lehkhathiamlo ten an thiam zawng leh theih zawng mila awlsam taka hna an hmuh theihna chuan a tha zawnga thil danglam a thlen a beisei tih a sawi bawk.

He hunah hian MYC Chairman, Dr. Van-laltanpuia MLA chuan Hna Inpui chuan Mizorama hnathawh dan kalphung a thlak hlawk thei dawn tih sawiin, a bikin thingtlang lam atanga zirna avanga khawpui lama awmte tan an remchan hun ang zel a hna an thawh theih tawh tur thu a sawi.