Latest News

Tuikum bial khaw 2-ah Puanthui zirna hawng

Mizoram Assembly Deputy Speaker leh Tuikum bialtu MLA, Er. Lalrinawma chuan nimin khan a bial chhunga hmun hnih-ah Puanthui zirna a hawng.

Puanthui zirna hawnna hun hi Baktawng Joint YMA Hall leh Tlungvel Venghlun YMA Hall-ah neih niin Deputy Speaker chuan Puanthui zirna chu hmeichhiate dinhmun chawisanna kawng khat a nih thu sawiin, “Hmeichhe changkan lohna ramah ram a changkang thei lo,” tiin hemi hi hriain India sawrkar pawhin hmeichhia te chawikanna atan hma a la nasa em em tih a sawi a. “Keini pawhin hmeichhia te'n kutthem-thiamna lama hma an sawn theihna turin theihtawp kan chhuah ve a ni,” a ti a. Kum 2018-a Tawi Block MHIP Conference-ah Puanthui zirna kalpui inhuam an awm chuan puanthui khawl an pek tur thu an lo sawi tawh thu leh Branch engemaw zat an in report thu sawiin, Branch engemaw zat hnenah Puanthui khawl pek an nih tawh thu leh a thawh hnihna tih leh thuai a nih tur thu a sawi bawk.

Nimin a hawn tak heng Puanthui zirna, Skill Development Centre te hi Baktawng Dawr Vveng Branch MHIP leh Tlungvel Venghlun Branch MHIP te enkawl tur a ni a, heng puanthui zirna atan hian bialtu MLA hian MLA Fund atangin Puanthui khawl panga (5) ve ve a lo sem tawh a, Baktawng-ah hian zirlai 11 leh Tlungvel Venghlun-ah zirlai 10-in bul an tan a ni.

Comments

Popular News (Last 30 Days)