Serchhip Police ten Gas Kudam rawktu nia hriat an man

/

Chhiahtlang leh Chhingchhip inkara awm, SK Indane Gramin Vitrak Gas Kudam chu Sept. 20, 2020 khan rawk niin a rawktu nia hriat te hi Inrinni khan Serchhip Police te chuan manin an ruk nia hriat Gas bur 57 pawh hmuh kir a ni bawk.

Thudawn danin Chhiahtlang leh Chhing-chhip inkar, Mualmawi ram (Hmuntha peng tia hriat) a awm, SK Indane Gramin Vitrak Gas Kudam hi Sept. 20, 2020 (Pathianni) khan mi tu tih hriatloh ten Kudam kalhna Tala hacksaw Balde-a zai chhia in Gas bur 60 lain an tlanbopui nghal a, Chhingchhip-a awm he Kudam enkawl-tute hian Thawhtanni-a Kudam rawk a nih thu hi hriain a tuk ah Serchhip Police Station-ah FIR thehluh leh a ni.

Serchhip Police te chuan hemi chungchang hi chhui zui nghalin an chhuina kal zelah ASI Michael Lalremsanga, Investigating Officer leh Constable pahnih Richard Zosangzuala leh Dennis Lalchhuanawma bakah Driver Lalnunpuia te chuan Zirtawpni kalta, Oct. 2, 2020 khan Aizawl panin, Bawngkawn leh Kulikawn Police Station-a thawktute puihna in heng eirawngbawlna Gas bur rutute hi an zuk chhuichhuak a ni.

Gas Kudam rawktu nia hriat hi Lalmuan-puia (36), Kawnpui Bangla Veng, Kolasib District a khawsa nia insawi niin tunhma lamah pawh eirawngbawlna Gas dan lo (Black market)-a lo zuar tawh thin nia hriat a ni a, pawikhawihtu hian naupang kum tlinglo pahnih te chu hruaiin he Gas Kudam atang hian eirawngbawlna Gas hi bur 60 an lak thu a sawi a, heng te hi Bolero pik-up hmanga Aizawl-a phurthlain an zuar chhawng leh a, heng Gas bur an ruk atang hian bur 57 chu Police te hian an hmuhlet sak bawk a ni.

Pawikhawihtu nia hriat leh eirawng-bawlna Gas te hi niminpiah (Pathianni) khan Serchhip rawn thlenpui niin pawikhawihtu hi thubuai siam sak nghal a ni a, nimin khan Ser-chhip District Court-ah hruai nghal an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »