Latest News

Ni 3 chhungin Sample 259 la

Tunkar Thawhtanni-a Serchhip-a COVID-19 hri kai hmuhchhuah ten an lo kawm hnaih te chhuina kal zelah ni thum chhungin Sample 259 laa enfiah a ni.

Serchhip CMO Office atanga thu kan dawn danin tunkar Thawhtanni-a COVID-19 hri kai mi pahnih hmuhchhuah te chu an kaina hriat ni lovin heng mi ten an lo kawmhnaih leh an chhungte Sample enfiah hna chu Thawhtanni atang khan thawh nghal a ni a. Thawhtanni khan TrueNat Laboratory-a enfiah turin Sample 56 lak nghal niin Thawhlehni-ah TrueNat Laboratory-a enfiah turin Sample 31 leh Rapid Antigen Test hmanga enfiah tur Sample 109 lain nimin khan TrueNat Laboratory-a en turin Sample 4 leh Rapid Antigen Test hmanga en turin Sample 59 lak leh a ni bawk a, ni thum chhung hian Sample 259 lain enfiah hman a ni.

Heng ni thum (3) chhung hian Serchhip District-ah hri kai mi 10 hmuhchhuah an ni a, an zinga mi 4 te chu P&E Veng mi niin midang 6 te chu Chanmari Veng mi an ni thung a, nimin khan hri kai kawm hnaih te Sample enfiah ah erawh hri kai hmuh thar an awmlo thung.

Comments

Popular News (Last 30 Days)