BSF Sipai 188 dam tawh

/

Mizoram sawrkar in BSF Sipai COVID-19 hri kai te Serchhip-a enkawl tura a tih hnuah anmahni enkawlna hmun atang hian BSF Sipai mi 188 enkawl dam an ni tawh.

Serchhip CMO Office atanga thu kan dawn danin Mizoram-ah COVID-19 hri a hluar hnuah leh BSF Sipai, State pawn atanga rawn haw zingah hri kai an pun zel avangin Mizoram sawrkar chuan Serchhip a Nursing School chu BSF Sipai hri kai te en-kawlna hmun, COVID Care Centre (CCC) a hmang tur hian ruahmanna a siam a, kumin August 16 khan BSF Sipai hri kai te hi dahluh tan niin nimin thleng khan mi 189 dahluh ni tawhin an zinga mi 188 te chu enkawl dam an ni tawh a, tunah hian hri kai enkawllai mi pakhat chiah a awm tawh a ni. Sawrkar in BSF Sipai hri kai te enkawlna tur hmun a ruahman hnu hian Mi-zoram-a BSF Sipai hri kai enkawl ngai te reng reng chu Serchhip Nursing School CCC-ah hian rawn dah zel thin an ni.

Comments

Post a Comment

Popular News (Last 30 Days)

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »

END leh SADS in Heroin man

/
Image
Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nimin zing dar 9:30 vel khan Chhiahtlang dai, Lamchhip kawng (Darzika Road) peng-ah Heroin nia hriat Hawng 10 an man a, heng ruih-hlo an man hi gram 119.46-a rit niin a neitu nia hriat Lalchhanhimi (47), Chhiahtlang Hmar Veng nia insawi pawh manin thubuai siam sak nghal a ni. Heng damdawi te hi chawhmeh (thlai rah) karah thuhruk a ni.
Kimchang zawkin »