MZU in UG result tichhuak

Mizoram University (MZU) chuan nizan hmasa khan Under-Graduate Result tihchhuak in Govt. Serchhip College pawhin an titha hle.

MZU in Under-Graduate result a tihchhuah ah hian Govt. Serchhip College atangin a pumpui ah zirlai 85 in exam hi an hmachhawn a, mi 54 pass in za zelah 63.53 in an pass a ni. VI Sem. BA (Regular)-ah mi 62 in exam hmachhawnin mi 39 an pass a, za zela 62.9 in an pass a. VI Sem. B.Sc-ah mi 16 in exam hmachhawn in mi 5 an pass a, pass percentage chu 71.42 a ni a. VI Sem. BA (Pepeaters) mi 7 in exam hmachhawn in 5 an pass a, za zela 71.42 in an pass a ni.

Tun tuma result chhuakah hian Serchhip atangin Samuel Malsawmzuala chu Arts Stream-ah Gold Medalist niin Pachhunga University College zirlai a ni a, ani bakah hian kan hriat theih chinah Pachhunga University atangin zirlai 5 (panga) te chu anmahni Department theuhah Top 10-ah an lang phak a, Lalhriatkimi Rokhum, Ramthlun Veng chu Zoology pahnihna niin, Fidelia Lalrindiki, P&E Veng chu Chemistry-ah 4-an a ni a, Lalhmuchiangi, P&E Veng chu Mathematics-ah 6-na niin, Hmingthansanga, Serchhip Vengchung chu Statistics-ah 6-na a ni a, RL. Malsawmdawngkimi, IOC Veng chu Zoology-ah 7-na niin, Veronica K. Lalnunsawmi, Chhiah-tlang chu Chemistry-ah 8-na a ni bawk.