LADC thutkhawm tan a ni; Chairman in banna thehlut

Lai Autonomous District Council (LADC) thutkhawm ni hnih (2) awh tur chu nimin khan Lawngtlai-a LADC Session Hall-ah neih tan a ni a, Session tan hma hian Chairman nilai, V. Zirsanga chuan banna a thehlut.

LADC Session hi Deputy Chairman , LR. Dingliana Chinzah kaihhruaina in neih a ni a, hun hmasa lam chu zawhna leh chhanna hun ah human niin, MNF membe Manghmunga Chinzah zawhna chhangin LAD changtu Executive Member, Chhunawma chuan Village Council Suspend 14 an awm thu House chu hrilhin, High Court-ah engemawzat an zualko a, High Court thutlukna chu Sawrkar in a la dawnloh vangin hmalak zui ngaihna a la awmlo tih a sawi.

LADC Sawrkar dinglaia Session hnuhnung ber tur a ngaih nimin a tan a nih hma, chawhma dar 10:00 khan LADC Chairman nilai, V. Zirsanga chuan LADC Chairman atanga a banna chu Governor hnen ah Deputy Chairman, LR. Dingliana Chinzah kaltlangin a thehlut a, V. Zirsanga hi Congress Ticket-in LADC inthlan hnuhnungber ah Paithar bial atanga thlantlin niin, nikum khan Congress Legislature Party chu MDC dang pathum nen an thlawpna an hnukdawk a, hemi hnu hian Congress Party Primary Member a nihna a bansan leh a, nimin khan Chairman a nihna atanga banna hi a thehlut zui ta a ni.

LADC thutkhawm hi Vawiin hian chhunzawm leha zawhfel a ni dawn a, nimin khan Official Bill panga (5) chu putluh a ni a, nimin khan Bill pathum chu sawiho a nih hnuah pawm a ni a, Vawiin hian Bill dang pahnih chu sawiho leh a ni ang.