CM hovin Horticulture Department hmalakna thlirho

Nimin khan Horticulture Dpartment changtu, Chief Minister, Zoramthanga hovin nikum 2019-2020 chhunga Horticulture Department hmalakna leh kumin kum kallai mek 2020-2021 chhunga hmalakna hrang hrangte thlirhona leh sawihona neih a ni.

Chief Minister Office Cabinet Room-a he thutkhawm ah hian Chief Minister chuan Horticulture Department chu kumin chhungah leh, a bik takin COVID-19 hrileng kara an hmalakna zarah nasa taka thlai tharchhuah lo pung ta avanga lawmawm a tih thu sawiin, Horticulture Department in Lockdown chhunga Vegetables and Fruits Supply Chain a kalpui avanga kuthnathawktute hlawkna tam zawk an tel chu lawmawm a tih thu a sawi a. Department Officer te chu an thlen chinah duhtawk mai lovin, tha thlah lova a hma aia tang leh zuala tan la turin a fuih bawk.

Kumin kumtir atanga tun October thla chhunga thlai langsar zual tharchhuah leh hralh dan he huna tarlan a nih danin Dragon Fruit Metric Ton 114 tharchhuah niin cheng vbc. 2.35 man hralh chhuah a ni a, Tomato Metric Ton 345 tharchhuah niin, cheng vbc. 3.10)man hralh niin Zikhlum Metric Ton 1006 tharchhuah atangin cheng vbc. 2.18 man lei a ni bawk a. Lakhuihthei Metric Ton 1453 tharchhuah niin, cheng vbc. 2.53 man hralh a ni bawk a. Dragon Fruit, Zikhlum leh Tomato te hi tunah hian thar chhunzawm mek a ni tih thu ngaihthlak a ni bawk.

Nimin-a Meeting-ah hian Integrated Post Harvest Management Scheme hnuaia thlai tharchhuah sawngbawlna kawnga hmalakna sawiho a ni a. Ripening Chamber/Thei um hminna khawl Metric Ton 8 a lian Sesawng leh Baktawng khuaa dah te chu Balhla leh Thingfanghma um hmin nan tangkai taka hman tawh niin, Rural Market leh Pack House-te pawh Mizoram hmun hrang hrangah tangkai taka hman a nih thu ngaih-thlak a ni.

Kumin Planting Season chhungin Mau chin lamah SEDP leh National Bamboo Mission (NBM) sum hmang tangkaiin Model Bamboo Plantation-ah Mau chin bul tan a ni a, Hmunpui leh Lengpui khuaah chhungkaw 213 in Hactare 208 a zau ah Mau chin bul tan a ni tih ngaihthlak a ni bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn