Serchhip-ah zaa 95.45 enkawl dam an ni tawh

Serchhip-a COVID-19 hri kai hmuhchhuah pakhat chu Inrinni khan enkawl dam leh niin Serchhip-a COVID-19 hri kai hmuhchhuah atanga zaa 95.45 te chu enkawl dam an ni tawh.

Inrinni-a Serchhip District-a COVID-19 hri kai enkawl dam tak hi tun thla ni 6-a hri kai an hmuhchhuah niin mipa kum 33 mi niin Uttar Pradesh atanga lo kal, National Highway-54 siam hna thawktu, Prem Kram Infracon Pvt. Ltd. in an chhawr lai a ni a, Sept. 30 khan Serchhip District rawn thlengin Sainik School-a inkhunghrang nghal niin hri laka a fihlim hnuah Inrinni khan chhuahtir a ni ta a ni. 

Hetihlai hian Inrinni khan Serchhip District-a TrueNat Laboratory-ah Sample 9 enfiah niin Rapid Antigen Test hmangin Sample 59 enfiah a ni bawk a, heng Sample enfiah zingah hian COVID-19 hri kai hmuhchhuah thar an awmlo thung a, nimin khan hri kai enkawl dam pawh an awm lo bawk a ni.

Heti hian nimin thleng khan Serchhip District-ah COVID-19 hri kai mi 66 hmuh an ni tawh a, an zinga mi 63 te chu enkawl dam ni tawhin hei hi hri kai hmuhchhuah atangin zaa 95.45 an ni a, tunah hian hri kai enkawllai mi 3 la awmin an vai hian Chhiahtlang Tourtist Lodge CCC-a enkawl mek an ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn