Mizoram-ah hri kai hmuhchhuah zat tlahniam hret

/

Niminpiah-a Mizoram-a Sample enfiah atangin COVID-19 hri kai mi 38 hmuh leh an ni a, a hma ni aiin hri kai hmuhchhuah thar zat hi a tlahniam hret a ni.

Niminpiah-a Mizoram-a COVID-19 hri kai hmuhchhuah zingah hian Aizawl District-a hri kai hmuhchhuah chu a tam zawk ni lehin mi 31 zet hmuhchhuah an ni a, ZMC Laboratory-a Sample enfiah atanga hri kai 19 hmuh te chu Aizawl khawpui chhung Veng 8 ami te niin Ramhlun South-a Endeavour School-a zirlai 5, Zirtirtu 1 leh thawktu 2 te chu hri kai hmuhchhuah zingah an tel a. Zokhawsang, Ramhlun North, Ramhlun Sports Complex leh Chanmari atangin pahnih theuh leh Republic Vengthlang, Luangmual leh Kanan atangin pakhat theuh hmuh an ni.

Niminpiah-a Rapid Antigen Test hmanga Sample 694 enfiah atangin hri kai mi 18 hmuh niin heng zinga 15 te chu Aizawl District-a hri kai hmuhchhuah te an ni bawk a, Ramthar North-ah hri kai mi 7 hmuh niin Muanna Veng-ah hri kai mi 2 hmuh an ni bawk a, Venghlui, Vaivakawn leh Luangmual atangin hri kai pakhat theuh hmuh niin Vairengte mi 2 leh Seling mi pakhat te pawhin hri an kai tih Aizawl-ah hian hmuhchhuah a ni bawk a, Rapid Antigen Test hmanga hri kai hmuhchhuah dang te hi Lunglei, Mamit leh Kolasib District mi pakhat theuh an ni.

Niminpiah khan District hrang hranga TrueNat Laboratory-ah Sample 156 enfiah niin heng atang hian COVID-19 hri kai mi pakhat hmuhchhuah a ni a, hri kai hmuhchhuah hi Lunglei District-a hri kai hmuhchhuah niin BSF Sipai a ni.

Heti hian nimin thleng khan Mizoram-ah COVID-19 hri kai mi 2694 hmuhchhuah an ni tawh a, an zinga mi 2284 te chu enkawl dam ni tawhin tunah hian hri kai enkawllai 409 an awm a, hri kai zingah nunna chan mi pakhat a awm tawh bawk a ni.

India-ah hri kai enkawl nuai 6 aiin an tlem leh ta :

Darkar 24 kalta chhungin India ramah COVID-19 hri kai mi 57,386 te enkawl dam leh niin ni 85 hnuah India ramah hri kai enkawllai chu mi nuai 6 aiin an tlem leh ta. Ministry of Health & Family Welfare chhinchhiahna atanga a lan danin darkar 24 kalta chhung khan India ramah hri kai mi 57,386 te chu enkawl dam leh niin India ramah hri kai enkawl dam zawng zawng chu 73,73,375 an tling ta a, hei hi India rama hri kai hmuhchhuah tawh zawng zawng atanga chhutin zaa 91.15 a ni. Darkar 24 kalta chhung khan India ramah hri kai hmuhchhuah thar mi 48,648 awmin heng te nen hian India ramah hri kai enkawllai 59,4386 an awm mek a, ni 85 kalta chhunga a tumkhatna atan India ramah hri kai enkawllai mi nuai 6 aia tlem an awm leh ta a ni. India rama hri kai zingah nunna chan 1,21,090 awmin hri kai hmuhchhuah atangin zaa 1.50 a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »