Serchhip-in Gas dawng tha

MIZOFED Serchhip Branch-a thawktute chuan hripui leng avanga inkharkhip kalpui a nih hnuah eirawngbawlna Gas an dawn that thu sawiin, mipuite tan thlaphanna tur a awmlo tih an sawi.

MIZOFED Serchhip Branch-a thawktute chuan an hnuaiah hian tun dinhmunah Active Consumers 8500 vel an awm thu sawiin, heng mi ten hnianghnar taka eirawngbawlna Gas an hmuh theihna tur hian thla tin eirawngbawlna Gas Trip 12 atanga 14 vel an mamawh thu an sawi.

Kumin March thla tawp-a hripui leng avanga inkharkhip kalpui a nih hnuah pawh Gas lakluh kawngah hian harsatna lutuk an tawhloh thu sawiin, April thla ah trip 15 dawngin, May thla ah erawh Trip 9 chauh an dawn thuMIZOFED-a thawktute chuan an sawi a, June leh July thla ah Trip 19 ve ve dawngin August thla ah Trip 10 leh tun thla kal mekah Trip 14 an dawn thu an sawi a, hei vang hian mipui mamawh ang chu an dawn thu leh mipuite tan thlaphanna tur a awmloh thu an sawi a ni.