The Mizoram State Agriculture Produce and Livestock Marketing Bill buatsaih mek a ni - Agriculture Minister

Agriculture Minister, C. Lalrinsanga chuan ‘The Mizoram State Agriculture Produce and Livestock Marketing Bill’ (APLM Bill) chu buatsaih mek a ni tih sawiin, he dan hmang hian awmze nei zawk leh kalphung mumal tak neia Agriculture lama kan thar chhuahte chu Market link mumal tak nena kalpui tum a nih thu a sawi.

Tunhnaia Agriculture Reforms leh Scheme hrang hrangte sawiho-a Agriculture, Horticulture, Irrigation and Water Resources Cooperation Department Officer-te leh NABARD hotute thutkhawm nimin-a a Pisa-a neih ah he thu hi sawiin Agriculture Minister chuan kum 2008-a MNF sawrkarin a lo pass tawh, Mizoram loneitute tan awmze neia Market mumal leh darh zau zawk ruahmanna dan, ‘The Mizoram State Agriculture Produce Marketing (Development and Regulation) Act, 2008’ (APMC Act) chu sawrkarna inthlak avanga hmanzui loha a awm tak avangin tunah hian Mizoram Sawrkar chuan Central Sawrkar kalphung milin tuaithar leh tumin hma a la mek tih a sawi a. Hemi atan hian ‘The Mizoram State Agriculture Produce and Livestock Marketing Bill’ (APLM Bill) chu buatsaih mek niin he dan hmang hian awmze nei zawk leh kalphung mumal tak neia Agriculture lama kan thar chhuahte chu Market link mumal tak nena kalpui tum a nih thu Minister chuan a sawi bawk.

Agriculture Minister chuan he dan hi peihfel a nih hunah chuan tunhnaia Central sawrkar in dan a siam thar te milin loneitute leh sumdawng ten Farming Contract mumal tak neia loneitute tana Market zau zawk siamsak kawngah nasa takin hak an zauh thei dawn niin a sawi bawk.

He thutkhawm ah hian India ramin Agriculture reforms nei tura hma a lakna hrang hrang zinga pawimawh tak tak, Farmer Producers Organisation (FPO) 10,000 (Singkhat) din belh chungchangte, Agriculture Infrastructure Fund (AIF) hnuaia FPO te tana sum ruahmanna te sawiho a ni a. India rama FPO singkhat din belh turah hian Mizoram-ah pawh FPO engemaw zat din belh a ngaih dawn thu leh heng FPO te hian infrastructure siam nan AIF hnuaia sum cheng vbc. 2 thlenga an puk theih dan tur leh a scheme kalpui dan tura ruahmanna siam ngai te sawiho a ni bawk.

Comments

Chhiar Hlawhte