Serchhip District-ah mi pakhat enkawl dam

Serchhip District-a COVID-19 hri kai enkawl pakhat chu enkawl dam leh niin nimin khan Thenzawl AYUSH Hospital CCC atanga chhuahtir a ni.

Nimin-a Serchhip District-a COVID-19 hri kai enkawl dam tak hi tun thla ni 6-a Rapid Antigen Test hmanga COVID-19 hri kai hmuhchhuah niin mipa kum 21-a upa, Thenzawl-a Horticulture College sak hna thawk mektu, Tribeni Construction Limited hnuaia hnathawk niin September 26-a Assam atanga rawn lut a ni a, hri laka a fihlim hnu nimin khan anmahni enkawlna hmun atang hian chhuahtir a ni ta a ni. Heti hian Serchhip District-ah nimin-a COVID-19 hri kai pakhat hmuhchhuah leh bawk avangin Serchhip District-a COVID-19 hri kai hmuhchhuah chu mi 66 niin an zinga mi 62 te chu enkawl dam an ni ta a, tunah hian hri kai enkawllai mi 4 la awmin an vai hian Chhiahtlang Tourist Lodge CCC-a enkawllai vek an ni a, Serchhip District-a COVID-19 hri kai hmuhchhuah tawh atangin zaa 93.93 te chu enkawl dam an ni tawh a ni.

Serchhip District-ah hian COVID-19 hri leng avanga inkhunghrang mi 125 an la awm mek a, heng zinga mi 27 te chu mahni In lama inkhunghrang niin midang 98 te chu sawrkar hmun-hmaa inkhunghrang an ni thung.

Comments

Chhiar Hlawhte