Chanchin thar thenkhat :

IWRD in bung thar kai niin sawi

Irrigation & Water Resources Department (IWRD) chuan nimin khan ni 2 awh tur National Hydrology Project (NHP) hnuaia ‘Efficient Irrigation and Water Management Practices’ tih thupui hmanga training chu Aizawl-ah nei tanin he hun hmanpuitu IWRD Minister, C. Lalrinsanga chuan IWRD in bung thar a kai thu a sawi a. IWRD Minister chuan Cabinet-in Mizoram Water Policy a pawm tawh thu leh hemi hnuaiah hian Dan hrang hrang siam tur tam tak hmachhawp a ni tih sawiin, State pawn atanga lakluh ngai lovin Mizoram chhung ngeia tharchhuah hmanga kan intodelh theih nana tan la tur te, ram neitu nih inhriaa an hna chanpual theuh chu Mizoram tan an thawk tih hre turin he huna kalkhawmte chu a fuih bawk a ni.


Jan Adolan Campaign nei

Nimin khan Mizoram chhunga School Education Office leh zirna In-ah te ‘Jan Adolan Campaign on COVID-19’ neiin thawktute leh zirlai ten COVID-19 laka invenna thu an tiam. Jan Adolan Campaign hi sawrkar laipui programme niin, October ni 8,2020 khan Prime Minister, Narendra Modi chuan a hawng a, State tinah campaign hi kalpui niin Aizawl-ah chuan Govt. Mizo High School Field-ah School Education Complex Office hrang hranga thawkte chuan hun an hmang a. District tinah DEO te chu District Nodal Officer an nih angin a theih ang angin School-ah te pawh Campaign hi neih a ni.


Lunglei-ah Thlai chi sem

High Powered Committee (HPC) Lunglei hmalakna in niminpiah khan Horticulture Department chuan Thlasik thlai chi hrang hrang chi 16 chu loneitu mi 200 te hnenah an sem chhuak a, he hun hi HPC Vice Chairman, Lawmawma Tochhawng MLA chuan hmanpuiin an thlai chi semchhuah te chu Company rintlak, Department a thawk ten ngun taka an thlanchhuah a nih avangin Thlai chi tiak thalo avanga harsatna awm thin chu a awmloh a beisei thu a sawi bawk.


RAgT kalpui ve thei dawn

Health Department chuan thuchhuah siamin Aizawl-a Private Hospital 4-ah Rapid Antigen Test (RAgT) hmanga COVID-19 test theih a ni dawn tih a tarlang a. Heng damdawi In te hi Synod Hospital, Durtlang; Ebenezer Medical Centre, Chawnpui; B.N. Hospital, Kulikawn leh Trinity Hospital, Silai Mual, Aizawl te niin hemi atan hian sawrkar chuan Dan a siam tawh a ni.


Sawrkar-a sum dil belh rel

Mizoram Journalist Welfare Society Governing Board chu nimin khan an Chairman, I&PR Secretary Sangdingliana hova thu-khawmin MJA member damlo te leh boral te tan MJWS atanga Medical Reimbursement leh Ex-Gratia dilna te thlirho a ni a. Kumin-a MJWS sum indaihlohna phuhrukna turin sawrkar ah sum dil belh rel a ni  bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn