Tui tla zawng chhunzawm zel

Ningani kalta a Tuikum lui-a chesual, Lalngaih-dami (14), Serchhip IOC Veng chu nimin a ni 4-na thleng khan zawn chhunzawm zel a ni a, he thu buatsaih lai thleng hian chanchin lawmawm lam hriat belh tur awm lovin mi tlawmgai ten luidung ah tui tla hi zawngin mi thahnem tak an la riaklut bawk a ni.

Tui tla zawnga thawkchhuakte tan hian hmun 3-ah RV siam niin Serchhip khawchhung mai bakah Vanchengte, Hriangtlang leh Keitum atang pawhin mi tlawmngai an thawkchhuak a, tui hi a fim loh avangin tuitla zawn hna pawh hi thawh a harsat phah nia thudawn a ni a. Nimin atang khan tuithiam ten Li dap hna hi thawk lehin thu lawmawm lam hriat tur a awmloh chuan Vawiin ah zawn chhunzawm leh tur a ni ang.