Serchhip-ah Covid-19 No Tolerance Fortnight hman tan niin dan bawhchhia mi 63 man nghal an ni

COVID-19 No Tolerance Fortnight chu nimin atang khan Mizoram pumah hman tan niin Serchhip-ah pawh he Fortnight hi hman niin mipui ten Dan an awm tha viau chungin Dan zawmlo erawh mi 63 zet man an ni thung.

Tunhnaiah COVID-19 hri leng chu tualchhung ah inkaidarh a nasat tak avangin hei hi chhutchah anih theih nan sawrkar in ruahmanna a siam angin COVID 19 No Tolerance Fortnight hi hman a ni a, Mizoram Sawrkar in Action Plan a duan angin nimin zing khan Serchhip-a sawrkar Pisa thenkhatah COVID-19 laka himna e-pledge lak a ni a, Serchhip District Deputy Commissioner, Kumar Abhishek leh DC Office a thawktu zawng zawngte chuan DC Conference Hall-ah SDC, Dr. Manesia Khaimeichho kaihhruaina hnuaiah e-pledge hi an la a, Sawrkar Office hrang hrangte pawhin an Action Plan angin Poster te siamin an pisa-a hmun ualau laiah an tar hlawm a ni.

COVID-19 No Tolerance Fortnight hman atang hian VC hrang hranga Village Level Task Force (VLTF) te chuan an huamchhung theuh ah ngawrh taka duty kalpuiin sawrkar in Department hrang hrang atanga a ruat Executive Duty te pawhin an Duty hun tura ruat theuh an an bial an fang a, he Fortnight hman chhung hian COVID-19 laka mipuite himna tura kaihhruaina Dan siam thenkhat ih danglam niin Dan te hi khauh lehzuala kenkawh a ni dawn a, heng Dan bawhchhia te hi VLTF leh Executive Duty bakah Police te chuan manin nimin tlai dar 4:00 thleng khan Dan bawhchhia mi 63 zet man an ni.

Nimin a Dan bawhchhia man mi 63 zinga mi 35 te hi Police Department te man niin an sum chawitir tlingkhawm chu Rs. 4400/- a ni a, North Vanlaiphai Area-ah mi 9 man niin Rs. 100 theuh chawitir an ni a, New Serchhip South-ah mi 2 manin Rs. 100 ve ve chawitir an ni a, New Serchhip North-ah mi 4 manin Rs. 100 theuh chawitir an ni bawk a, Serchhip-IV ah mi 5 manin Chhiahtlang South-ah mi 7 man niin Rs. 100 theuh chawitir an ni a, Chhingchhip-ah hri leng darh tur venna kawnga inkaihhruaina zawmlo mi pakhat man niin Rs. 1000/- chawitir a ni thung a, nimin a Dan bawhchhia man mi 63 te pawisa chawi tlingkhawm chu Rs. 8100/- a tling a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn