ZPM in VC leh LC tan Code of Conduct duang

ZPM Legislature Party (ZLP) Leader, Lalduhoma chuan VC/LC an siamna ah Kalphung thar-a khawtlang an enkawl theih nan Code of Conduct duan mek a nih thu a sawi.

ZPM Aizawl North-II Block hruaitute leh Local Council inthlan neih zawh taka Aizawl North-II bial chhung Veng hrang hranga ZPM Candidate te'n Zirtawpni kalta a Joint Meeting an neih ah he thu hi sawiin ZLP Leader chuan ZPM chuan a theihna apiangah Kalphung Thar chu mipuiah pho-lan a tum thu a sawi a. Chumi atana hmalakna lian tak chu MLA Fund tha leh tangkai taka hman a nih thu sawiin, mi pamham pakhat avang pawha vai mualpho theih a nih avangin MLA Fund-a hnathawh ah sum hman zat leh hnatawh inmila thawk turin a ngen a. Khua leh Veng hrang hranga VC/LC an siamna ah pawh Kalphung Thar-a khawtlang an enkawl theih nan Code of Conduct duan mek a nih thu a sawi bawk.

Aizawl Municipal Corporation (AMC) inthlanna neih tur chungchang pawh sawiin ZLP Leader chuan AMC inthlan lo awm tawhah Ruling Party-in sawrkar-na an chang chuang lo tih a sawi a, tunlai boruak thlirin AMC inthlanah hian ZPM in beiseina sang tak an neih thu a sawi a, he huna kalkhawm te chu kan hmaa AMC inthlan lo awm turah taima taka thawk turin a chah bawk. MLA atanga paihthlak tuma MNF Party hmalakna ah mipui khawngaihna amah leh ZPM Party-in a dawn nasat thu pawh sawiin, ZPM chuan tawngtaina nen he buaina hi a hma-chhawn zel thu a sawi bawk.

Lalduhoma chuan Aizawl North-II in mi thiam, taima leh huaisen, thil thar tha tak tak ngaihtuah chhuak thin bialtu MLA a nei chu lawm-awm a tih thu pawh sawiin, ZPM-ah chuan hruaitu Senior-te thlaktu tur hruaitu tha tak tak chherchhuah an nih zel tur thu a sawi bawk

Comments

Chhiar Hlawhte

North Vanlaiphai Village Council-ah inthlanna neih that leh a tul dawn