Chanchin thar thenkhat :

Insawifiah turin hriattir

Mamit DRDA Project Director, HD. Lal-pekmawia chuan October ni 9-a Karimganj DC, Anbhamuthan MP leh Official dangten sawrkar bungrua an tihchhiat chungchangah Karimganj DC chu insawifiah turin a hriattir. Mamit DRDA Project Director chuan Karimganj DC leh Forest Department Official ten tun thla ni 9-a mimal Thlam leh thlai thahnem tak an tihchhiat tumin sawrkar laipui Flagship Programme- MGNR-EGA Citizen Information Board an tihchhe tel niin a tarlang a. Hei hi sawrkar laipui hnuaia hmalakna hnathawh anih avangin an ngaimawh thu leh Central Civil Services (Classification, Control and Appeal) - CCS-CCA Rules bawh-chhiatna anih avangin tunthla ni 31 hmaa insawifiah turin a hriattir a. An thil tihchhiat chu a rang lama siamtha turin a hriattir bawk a ni.


Congress leh ZPM thalai in ICU siam belh vat an phut

Congress Thalai, Mizoram Pradesh Youth Congress Committee leh ZPM Thalaite chuan nimin khan thuchhuah siamin Mizoram in CO-VID-19 a hmelhriat atang ringawt pawha thla 7 dawn a liam hnuah pawh hri kai enkawlna tur ICU khum 20 erh awrh chauh kan leh CM berin ZMC lama ICU khum leh Ventilator te a tam tawk loh avanga kan phân thu a sawi ta mai chu pawi an tih thu an sawi a. A rang lama ICU khum lei belh leh Ventilator neih belh an phut thu te sawiin, ICU puitling siam a harsa tawh anih pawhin, makeshift ICU ang, Ventilator vuah mai theih tur chi tal buatsaih tura an phut thu te an sawi bawk.


Hnahthial-ah Meth man a ni

Nimin khan Hnahthial-ah Methamphetamine mum 39,000 zet man a ni. Thudawn danin Hnahthial leh Thingsai Police bakah Hnahthial Electric Veng leh Lungleng Branch YMA tangkawp chuan heng damdawi te hi nimin khan Hnahthial Electric Veng ADO bulah an man a, a neitu nia hriat mi 2, Aizawl Tui-thiang Veng leh Armed Veng South mi nia insawi te pawh man nghal an ni. Heng damdawi te hi Kg. 4.6 a rit niin tualchhung hralhna rate ah Rs. 78,00,000/- man a ni a, an motor hman pawh man nghal a ni bawk a, Hnahthial Police Station-ah thubuai ziahluh niin Vawiin ah Court-ah inlan tura hruai an ni ang.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn