Khuai zuk vangin boral

Zonuna Kawlni /

New Serchhip Bazar Veng-a cheng, PC. Zarzoliana chu Zirtawpni-a Khuai lak an tumna ah Khuai in zukin nimin khan a boral.

Thudawn danin PC. Zarzoliana (57) hian New Serchhip Bazar Veng-a a u, PC. Thanliana te kawmthlang lam Thingri kung-a Khawivanrial Bu awm chu Zirtawpni khan lak a tum a, zan lama lak tuma inbuatsaihin hemi atan hian a halna tur Mau tlawn siamin a hmawr-ah Buara tawnin Bati chhit tur a siam a, hetah hian Khawnvartui leihin hemi rim hi Khuai hian hriain an rawn bei ta niin a hmu hmasatute chuan an sawi.

Hetianga Khuai in an rawn beih hnu hian Serchhip damdawi In panpui nghal niin nizan hmasa khan Aizawl lam panpui leh a ni a, amah-erawh chu nimin zing dar 9:00 vel khan a boral zui ta a ni. PC. Zarzoliana ruang hi nimin vek khan Serchhip-ah rawn lakchhoh niin nizan-a lumen a nih hnuah Vawiin hian vuiliam a ni ang.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »