Serchhip-ah tualchhung-a COVID-19 hri inkaichhawng hmuh belh zel an ni

/

Niminpiah-a Serchhip-a Sample enfiah atangin COVID-19 hri kai mi pakhat hmuh belh leh niin nimin khan hri kai pathum hmuh belh leh a ni bawk a, Serchhip District-a COVID-19 hri kai hmuhchhuah chu mi 80 tlingin tualchhunga hri kaichhawng an pung chho chak hle a ni.

Serchhip CMO Office atanga thu kan dawn danin tunhnaia Serchhip-a COVID-19 hri kai hmuhchhuah tawh ten an lo kawm hnaih te chhuina kal zelah niminpiah khan Serchhip District-a TrueNat Laboratory-ah Sample 60 enfiah niin heng atang hian COVID-19 hri kai pakhat hmuhchhuah a ni a, hri kai hmuhchhuah hi Serchhip Chanmari Veng ami niin hmeichhia kum 48-a upa, tunhnaia hri kai hmuhchhuah tawh nen In khat-a khawsa niin, Symptom nei a ni a, Serchhip Tarpi Tlang-a DCHC-ah enkawl tura dah a ni. Niminpiah vek khan Serchhip District-ah Rapid Antigen Test hmangin Sample 71 enfiah niin hri kai hmuhchhuah erawh an awmlo thung.

Chanmari Veng atanga Sample lak, niminpiah-a enfiah hmanloh nimin a enfiah chhunzawm-ah Serchhip Chanmari Veng atang hian hri kai pahnih hmuhchhuah leh a ni bawk a, hri kai hmuhchhuah hi hmeichhia ve ve niin kum 25-a upa leh kum 54-a upa te an ni a, tunhnaia hri kai hmuhchhuah tawh te nen inhnaih-a khawsa an nih bakah an pahnih hian building pakhat-a cheng an nih avangin hri kai tawh te atanga kaichhawng nia rin a ni a, DCHC-ah dahluh a ni bawk. Nimin tlai khan Chanmari Veng-ah hian insawiselna nei leh inringhlelh te tan Sample enfiah hna thawh leh niin hetah hian Rapid Antigen Test hmangin hri kai pakhat hmuh leh niin hmeichhia a ni a, hri a kaina awm chhui zui nghal a ni bawk a.Chanmari Veng-ah hian tunkar chhungin hri kai 10 hmuh an ni tawh a ni.

Nimin thleng khan Serchhip District-a COVID-19 hri kai hmuhchhuah chu mi 80 an tling tawh a, heng zinga mi 64 te chu enkawl dam an ni tawh a, tunah hian hri kai enkawllai mi 15 an la awm mek a, hri kai hmuhchhuah atanga zaa 80 te chu enkawl dam an ni tawh a ni.

Niminpiah-a Serchhip-a COVID-19 hri kai hmuhchhuah thar zingah hian Health Department-a thawk mi pakhat a tel avangin tunhnaia a lo kawm hnaih Damdawi In-a thawk te Sample chu nizan hmasa la la khan lak niin enfiah nghal a ni a, hri kai hmuhchhuah erawh an awmlo thung a, fimkhur thu ah nimin khan OPD pawh khar lailawk a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »