Ruahtui khawl dan Rajya Sabha MP in enfiah

Mizoram Rajya Sabha MP, K. Vanlalvena chuan tunkar Nilaini leh Ningani khan Rajasthan-a Jodhpur khawpui leh a chhehvela ruahtui vantla an khawl dante a hmunah tlawhin a en.

Ruahtui khawl chungchang ah hian Rajya Sabha MP chuan Chief Minister, Zoramthanga leh Union Minister of Jal Shakti ten an lo sawidun tawh leh, Deputy Chief Minister Tawnluia, PHE Department changtu ni bawk hmalak mekna leh School Education Department in Mizoram sawrkar School hrang hranga Rain Water Harvesting programme an buaipui mek te bawhzuiin Union Minister hi a hmu a. Minister hian Rajasthana an hnathawhte ensak tur leh a hmun te tlawh tura ruahmanna a lo siamsak angin Jodhpur leh a chhehvel hi a tlawh a, Ministry of Jal Shakti Official ten an tawiawm a ni. Mizoram Rajya Sabha MP hian lui tui leh tuikhur awmlohna Rajasthan ram zau takah hmasang atangin engtin nge tui in tur an lo neih dan tih hriat tumin Rajput ho ten ruahtui an lo khawl dân te leh Rajasthan sawrkarin thingtlang mite tana ruahtui khawlna an siamsak hmun hrang hrang ami te a fang kual a ni. 

Rajasthan-ah hian, a bikin Jodhpur District-ah hian kumkhat ah ruahtui 370mm vel chauh a tla a. Chuti chung chuan tlangchhip sang lai ah te, tlang pang-ah te ruahtui an khuap a, a thlitfimna tur hmunte siamin leihnuaia a luan chhuahna turte an siam a. Inchung a ruahtui leh tuallaia ruahsur te dah hawl nan Dil tam tak an siam chawp bawk a. Chutiang taka ruahtui khawlkhawm an ngaih pawimawh avangin tui in tur hi tlachham lovin an awm thei a. Mizoram-ah kumitn ruahtui 2500mm aia tam a sur laiin Thâl-ah tui a harsa thin chu ruahtui khawlkhawmna kan neih that loh vang leh a nachang kan hriat tawk loh vang nia a hriat thu Mizoram Rajya Sabha MP chuan a sawi bawk.

Comments

Chhiar Hlawhte