Mental Health Day hmang

Vawiin October 10, 2020 hi ‘World Mental Health Day’ Serchhip-ah chuan nimin khan he Ni pual hian hun hman niin rilru hrisel neih a pawimawh zia inzirtirna Ni atan hman a ni.

Kumin a ‘World Mental Health Day’ ah hian thupui atan ‘Mental Health For All : Greater Investment-Greater Access’ tih hman niin Serchhip-ah chuan Serchhip District Mental Health Prog-ramme (DMHP) buatsaihin Serchhip District Hospital-ah hun hman a ni a, he hun hi Psychiatric Nurse, Lalmuanchhani chuan kaihruaiin he ni thupui hmang hian Serchhip DMHP-a Psychologist, Jane Zodingliani Lailung chuan thu a sawi a ni.

He hunah hian Jane Zodingliani Lailung chuan World Mental Health Day hman chhan leh Serchhip-a an lo hman tawh thin dan te sawiin, kumin ah khawvel pumah COVID-19 vangin mipui kan chi-ai in kan rilru hriselna te a nghawng nasa em em tih a sawi a, naupang atanga kum upa lam thlengin kan nun ah nghawng a neih thu leh zirlaite an hma hun ah nghawng pawi tak a nei thei dawna hriatna te, puitling lamah pawh nitin kan hnathawh leh nunphung a khawih buai vek dawna hriatna te a awm thu sawiin, hei vang hian WHO chuan he hri avanga kan rilru hriselna hi kum 2/3 thleng a nghawng pawi theih a rin thu a sawi a. Hei vang hian kan rilru hriselna lam ngaih pawimawh lehzual turin mipuite chu a chah bawk a ni.